Sítrónukaka með mjúku vanillukremi og ferskum berjum

Möndlu- og sítrónukaka með mjúku vanillurjómakremi og ferskum berjum gerir kaffistundina að lítilli veislu. Ljósmynd/Aðsend

Það þarf ekki flókinn bakstur til að gera kaffistundina að lítilli veislu. Þessi möndlu- og sítrónukaka er einföld í undirbúningi en falleg á borði, með mjúku vanillurjómakremi og ferskum berjum.

Sítrónan gefur kökunni ferskleika, möndlurnar mildan keim og berin setja litríkan svip á hana. Kakan er vegan, með jógúrt og rjóma úr jurtaríkinu, og tilvalin þegar þig langar að bjóða upp á eitthvað létt og fallegt með kaffinu. 

Kökuna má finna á uppskriftavefnum Gulur, rauður, grænn og salt.

Möndlu- og sítrónukaka með vanillurjómakremi og ferskum berjum

Sítróna og möndlur gefa kökunni mildan og ferskan keim en litríku berin setja punktinn yfir i-ið. Ljósmynd/Aðsend

Kökubotn

  • 240 ml vegan jógúrt, t.d. hrein frá Oatly
  • Börkur og safi úr 1 sítrónu
  • ½ tsk. möndludropar
  • ½ tsk. sítrónudropar
  • 80 g jurtaolía
  • 220 g sykur
  • 80 g möndlumjöl
  • 225 g hveiti
  • 1 tsk. matarsódi
  • ½ tsk. lyftiduft
  • Salt á hnífsoddi
  • 60 ml haframjólk, t.d. Oatly Kaffe

Vanillurjómakrem

  • 1 peli Oatly Visp
  • 3 msk. flórsykur
  • 1 tsk. vanilludropar
  • ½ tsk. sítrónusafi
  • Salt á hnífsoddi

Til skreytingar

  • Jarðarber, hindber, bláber og rifsber eftir smekk

Aðferð

  1. Hitið ofninn í 170 °C með blæstri.
  2. Blandið þurrefnunum saman í meðalstórri skál. Blandið blautefnunum saman í annarri skál og hrærið með písk.
  3. Hellið blautefnunum saman við þurrefnin og hrærið með sleif.
  4. Smyrjið 20 cm kökuform og setjið bökunarpappír í botninn. Smyrjið deiginu í formið og bakið í 35–40 mínútur. Fylgist vel með kökunni eftir um 30 mínútur þar sem ofnar geta verið misjafnir.
  5. Látið kökubotninn kólna.
  6. Setjið öll hráefnin í vanillurjómakremið í skál og stífþeytið.
  7. Smyrjið kreminu á kalda kökuna og skreytið með ferskum berjum eftir smekk.

内容来自 Mbl.is - Matur,版权归原作者所有。

阅读原文 ↗

把喜欢的内容,留在你的新标签页。

打开我的订阅