Beðið eftir úrslitum í fjölda kjördæma

Amy Acton, nýkjörinn ríkisstjóri Ohio úr röðum demókrata,fagnar með stuðningsmönnum sínum. AFP

Demókratar hafa unnið meirihluta í öldungadeildinni og fulltrúadeildinni í þingkosningunum á miðju kjörtímabili í Bandaríkjunum og ná þar með yfirráðum á þinginu það sem eftir er af forsetatíð Donalds Trump. 

Samkvæmt nýjustu tölum hafa demókratar náð 54 sætum í öldungadeildinni á móti 44 sætum rebúblikana. Í fulltrúadeildinni hafa demókratar náð 240 sætum á móti 147 sætum rebúblikana.

Þótt ljóst sé að demókratar verði í meirihluta í þinginu í janúar er enn beðið eftir úrslitum í fjölda kjördæma.

Úrslit lágu fyrir í flestum af 435 kjördæmum fulltrúadeildarinnar í gær, en enn á eftir að skera úr um úrslit í um 24 þeirra.

Þar á meðal eru kjördæmi í Tennessee, Louisiana og Virginíu þar sem mjótt er á munum og of snemmt að skera úr um sigurvegara.

Önnur kjördæmi þar sem úrslit liggja ekki enn fyrir eru meðal annars í Arizona, Kaliforníu og Colorado.

Í öldungadeildinni standa enn yfir tvær tvísýnar kosningar, í Mississippi og Alaska.

Það gæti tekið nokkrar vikur þar til úrslitin í Alaska liggja fyrir, en þar er eitt tvísýnasta þingsætið í landinu. Búist er við töfinni meðal annars vegna þess að í Alaska er notast við forgangsröðunarkosningu, þar sem kjósendur geta valið fleiri en einn frambjóðanda í forgangsröð.

内容来自 Mbl.is - Erlendar fréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅