Ætla að „draga þrjótana til ábyrgðar“

Hakeem Jeffries leiðtogi demókrata í fulltrúadeildinni.

Hakeem Jeffries leiðtogi demókrata í fulltrúadeildinni. AFP

„Hin gríðarlega spilling sem landið hefur mátt þola af hálfu Trump-glæpagengisins skýrir hvers vegna svo lítið er gert til að hjálpa venjulegum Bandaríkjamönnum.“

Þetta sagði Hakeem Jeffries, leiðtogi demókrata í fulltrúadeildinni, í bréfi þar sem hann tilkynnti framboð sitt til embættis forseta fulltrúadeildarinnar.

„Það breytist strax,“ sagði hann og bætti við að demókratar „ætli að draga þrjótana til ábyrgðar“.

Donald Trump Bandaríkjaforseti stendur frammi fyrir gjörbreyttu pólitísku landslagi eftir að demókratar náðu bæði fulltrúadeildinni og öldungadeildinni á sitt vald í bandarísku kosningunum á þriðjudag.

Snemma í morgun höfðu demókratar tryggt sér 54 sæti í öldungadeildinni og öruggan meirihluta í fulltrúadeildinni.

Donald Trump stendur frammi fyrir gjörbreyttu pólitísku landslagi eftir kosningarnar.

Donald Trump stendur frammi fyrir gjörbreyttu pólitísku landslagi eftir kosningarnar. AFP

Demókratar hafa heitið rannsóknum á Trump og ríkisstjórn hans og sagt að nýr meirihluti muni leggja áherslu á ábyrgð og viðráðanlegt verðlag.

JD Vance varaforseti sagði sig opinberlega frá stefnu Trumps varðandi stríðið í Íran degi eftir kosningarnar og sagði átökin vera „ástæðuna fyrir því að við töpuðum“.

Trump segist reiðubúinn að vinna með demókrötum en hefur jafnframt ítrekað hótun sína um að beita neitunarvaldi gegn lögum sem honum líkar ekki.

Hann varaði við því að ef andstæðingar hans reyndu að ákæra hann til embættismissis í þriðja sinn myndi það „tortíma“ demókrataflokknum.

内容来自 Mbl.is - Erlendar fréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅