Logi mættur á Airwaves

Logi Einarsson menningarráðherra og Óttarr Proppé, tónlistarmaður og fyrrum ráðherra, tóku tal saman á Nasa í morgun. mbl.is/Eggert Jóhannesson

Logi Einarsson, ráðherra menningarmála, setti í morgun ráðstefnu Iceland Airwaves sem haldin er samhliða tónlistarhátíðinni vinsælu. 

Í dag og á morgun ræðir fólk úr tónlistarbransanum ýmsar hliðar hans á ráðstefnunni og þar kemur margt málsmetandi fólk fram. 

Meðal umræðuefna eru áskoranir sem tónleikabransinn stendur frammi fyrir, hvernig koma eigi tónlistarfólki frá litlum málsvæðum á framfæri og hljómsveitin Sykurmolarnir og ferill hennar.

Logi ræddi meðal annars áskoranir gervigreindar í ávarpi sínu.

Logi Einarsson sagði í opnunarræðu sinni í morgun að uppáhald sitt við hátíðina væri hvernig samtöl milli tónlistarfólks á hátíðinni geti leitt til samstarfsverkefna sem ella hefðu ekki orðið til.

Hann ræddi einnig heimsókn sína í höfuðstöðvar Spotify fyrr á árinu og það hvernig gervigreind veki upp nýjar spurningar – í því ljósi þurfi listamenn að hafa rödd að hans mati.

Sigtryggur Baldursson og Óttarr Proppé ræddu við gesti á ráðstefnunni.

Fagnaðarfundir í morgunsárið.

内容来自 Mbl.is - Fólkið - Fólk,版权归原作者所有。

阅读原文 ↗

把喜欢的内容,留在你的新标签页。

打开我的订阅