Tæknihlutabréf hríðfalla eftir sigur demókrata
Gengi bandarískra tæknihlutabréfa hríðféll í dag. Fjárfestar óttast að afgerandi sigur demókrata í nýafstöðnum þingkosningum muni hægja á þeim mikla uppgangi í gervigreind sem knúið hefur markaðinn áfram.
Financial Times greinir frá.
Nasdaq 100-vísitalan lækkaði mest um 6,4 prósent en um klukkan 18 að íslenskum tíma nam lækkunin um sex prósentum.
Frambjóðendur gegn gagnaverum
Markaðir hækkuðu raunar í fyrstu eftir að ljóst varð að demókratar hefðu unnið stórsigur á Repúblikanaflokki Donalds Trumps Bandaríkjaforseta.
Síðan hefur hljóðið í greinendum og sjóðstjórum þyngst og efasemdir vaknað um að fjárfestingar í gervigreind haldi áfram að aukast.
Í ríkjum á borð við Texas, Ohio og Georgíu náðu frambjóðendur kjöri sem höfðu talað gegn byggingu gagnavera. Fjárfestar óttast að þeir muni hægja á uppbyggingunni.
内容来自 Mbl.is,版权归原作者所有。
阅读原文 ↗