Myndir: Ýttu Airwaves úr vör á Grund
Halla Tómasdóttir, forseti Íslands, setti í dag tónlistarhátíðina Iceland Airwaves á dvalar- og hjúkrunarheimilinu Grund.
Rakel og hljómsveitin Lón með Valdimar Guðmundsson í fararbroddi stigu á stokk á þessari árlegu opnunarhátíð og fluttu hátt í tíu lög fyrir gesti og íbúa heimilisins við góðar undirtektir.
Leikskólabörn frá Tjarnarskóla sátu fremst og fylgdust með því sem fram fór af áhuga.
„Þetta gekk mjög vel,“ segir Pétur Þorsteinsson, æskulýðsleiðtogi á Grund, sem tók þátt í hátíðinni.
Hann segir viðburðinn orðinn fastan lið í tilverunni, enda sé komið á annan áratug síðan opnunarhátíðin var fyrst haldin á Grund. „Þarna var einn sem hafði komið í 15 skipti í röð, annar í 10 skipti og annar í átta skipti,“ segir Pétur.
Fyrir tónleikana brá hann á leik með Höllu uppi á sviði og ulluðu þau meðal annars framan í fólkið, sem vakti að vonum kátínu.
内容来自 Mbl.is - Fólkið - Fólk,版权归原作者所有。
阅读原文 ↗







