Kristian Nökkvi snýr aftur í landsliðið

Kristian Nökkvi Hlynsson.

Kristian Nökkvi Hlynsson. Ljósmynd/Alex Nicodim

Kristian Nökkvi Hlynsson snýr aftur í leikmannahóp íslenska karlalandsliðsins í fótbolta fyrir komandi leiki gegn Búlgaríu og Lúxemborg í 4. riðli C-deildar Þjóðadeildarinnar sem fara fram um miðjan nóvember.

Arnar Gunnlaugsson, þjálfari íslenska liðsins, tilkynnti leikmannahóp sinn á blaðamannafundi í höfuðstöðvum KSÍ í Laugardal en Arnar valdi 23 leikmenn fyrir komandi verkefni og gerir eina breytingu á hópnum frá síðasta verkefni.

Kristian Nökkvi var ekki í leikmannahópnum í síðasta landsliðsverkefni vegna meiðsla en Anton Ari Einarsson og Þórir Jóhann Helgason eru báðir í hópnum eftir að hafa verið kallaðir inn í september vegna meiðsla.

Andri Fannar Baldursson er fjarverandi vegna meiðsla líkt og þeir Albert Guðmundsson, Bjarki Steinn Bjarkason og Elías Rafn Ólafsson en þremenningarnir þurftu allir að draga sig úr septemberhópnum vegna meiðsla.

Íslenska liðið mætir Búlgaríu í Sofiu þann 13. nóvember og loks Lúxemborg á Laugardalsvelli þann 16. nóvember en Ísland er með 8 stig í efsta sæti riðilsins, Eistland er með 6 stig, Búlgaría fjögur og Lúxemborg þrjú.

Leikmannahópur Íslands:

Markverðir:
Hákon Rafn Valdimarsson
Rúnar Alex Rúnarsson
Anton Ari Einarsson

Varnarmenn:
Mikael Egill Ellertsson
Logi Tómasson
Hörður Björgvin Magnússon
Daníel Leó Grétarsson
Guðlaugur Victor Pálsson
Aron Einar Gunnarsson

Miðjumenn:
Stefán Teitur Þórðarson
Gylfi Sigurðsson
Ísak Bergmann Jóhannesson
Þórir Jóhann Helgason
Hákon Arnar Haraldsson
Kristian Nökkvi Hlynsson
Mikael Neville Anderson
Jón Dagur Þorsteinsson
Arnór Sigurðsson
Kristall Máni Ingason

Sóknarmenn:
Orri Steinn Óskarsson
Andri Lucas Guðjohnsen
Ísak Snær Þorvaldsson
Brynjólfur Andersen Willumsson

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅