Davíð í Kaleo og Bryndís ástfangin í baðlóni
Baðlónið Laugarás Lagoon varð eins árs í október. Vegleg dagskrá fór fram í um miðjan október þar sem gestir og starfsfólk lónsins fagnaði saman. Á meðal þeirra sem nutu þess sem baðlónið hafði upp á að bjóða voru hjónin Davíð Antonsson Crivello í Kaleo og Bryndís Thelma Jónsdóttir vörumerkjastjóri.
Fögnuðurinn hófst á föstudeginum með fordrykkjum og smáréttum. Þegar kvölda tók var það DJ Young Gaudi sem sá um tónlistina við lónið, þar sem gestir nutu heita vatnsins í haustloftinu.
Laugardagsmorguninn var helgaður vellíðan undir leiðsögn Þóru Hrundar frá Munum. Hún leiddi afmælisgusu þar sem gestir nutu sauna hitans, drykkja og léttra veitinga á milli umferða. Að lokinni stund í lóninu beið brönsplatti á veitingastaðnum Ylju að hætti Gísla Matt og teymis hans, auk þess sem þátttakendur fengu gjafapoka í tilefni dagsins.
Myndlistin fékk einnig sitt pláss í afmælisfögnuðinum. Sigmundur Páll Freysteinsson tók á móti gestum á sýningu sinni, Farvegir, og spjallaði við þá um verkin. Síðar um daginn tóku Hróðmar Sigurðsson og Birgir Steinn Theodórsson við og léku lifandi djass á Ylju.
Á sunnudagsmorgni gafst aftur tækifæri til að hefja daginn á saunagusu, lóni og brönsi. Alla helgina fylgdi fordrykkur með brönsplöttunum á Ylju og matargestir gátu valið sér afmælisköku í eftirrétt.
Á fyrsta starfsárinu náði Laugarás Lagoon þeim áfanga að taka á móti tæplega 150 þúsund gestum. Afmælishelgin var því kærkomið tækifæri til að þakka fyrir viðtökurnar og fagna með fólkinu sem hefur verið hluti af þessu fyrsta ári.
Anna Sigurðardóttir, Simon og Bryndís Björnsdóttir framkvæmdastjóri Laugarás Lagoon. Ljósmynd/Aðsend
内容来自 Mbl.is - Ferðalög,版权归原作者所有。
阅读原文 ↗



















