Einn sá eftirsóttasti á leið til Arsenal?

Eli Junior Kroupi.

Eli Junior Kroupi. AFP/Toby Shepheard

Forráðamenn Englandsmeistara Arsenal hafa mikinn áhuga á franska knattspyrnumanninum Eli Junior Kroupi og gætu lagt fram tilboð í sóknarmanninn í janúar.

Það er enski miðillinn The Mirror sem greinir frá þessu en Kroupi, sem er tvítugur, er samningsbundinn Bournemouth í ensku úrvalsdeildinni.

Hann hefur verið sterklega orðaður við stærstu lið Englands undanfarna mánuði en hann gekk til liðs við Bournemouth frá Lorient í Frakklandi í febrúar á síðasta ári.

Alls á hann að baki 38 leiki fyrir Bournemouth þar sem hann hefur skorað 13 mörk og lagt upp eitt til viðbótar.

Hann er samningsbundinn Bournemouth til sumarsins 2030 og kostar í kringum 80 milljónir punda en Bayern München og París SG eru einnig sögð afar áhugasöm um leikmanninn.

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅