Ýmir verður ekki með í landsleikjunum

Ýmir Örn Gíslason.

Ýmir Örn Gíslason. Ljósmynd/Jon Forberg

Ýmir Örn Gíslason verður ekki með íslenska landsliðinu í leikjunum gegn Úkraínu og Eistlandi í undankeppni EM í handbolta.

Þetta staðfesti Ýmir í samtali við RÚV en hann var viðstaddur æfingu íslenska liðsins í Safamýrinni í dag.

Ýmir hefur ekkert leikið með Göppingen í Þýskalandi á tímabilinu eftir að hafa gengist undir handaraðgerð í sumar.

Hann er nú staddur hér á landi til að fara í frekari skoðun og vonast til að fá skýrari mynd af stöðunni og tímaramma endurhæfingarinnar síðar í dag eða á morgun, samkvæmt RÚV.

Ísland mætir Úkraínu í Laugardalshöllinni á miðvikudaginn og leikur síðan gegn Eistlandi á útivelli á sunnudaginn.

Leikirnir eru liður í undankeppni Evrópumótsins 2028 en íslenska liðið mun væntanlega einnig nýta þá sem undirbúning fyrir HM sem hefst í Þýskalandi í janúar á næsta ári.

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅