Police confirméiert: 38 Joer ale Mann bei Accident zu Lëntgen ëm d'Liewe komm
Den CR101 war nom Accident e Méindeg de Moien eng Zäit laang gespaart.
Verëffentlecht: 02.11.26 12:36, Update: 02.11.26 14:41
38 Joer ale Mann bei Accident zu Lëntgen ëm d'Liewe komm
E Méindeg de Moie kuerz viru 7 Auer ass en Auto tëscht Lëntgen a Stuppecht an e Bam gerannt.
E Méindeg de Moie kuerz viru 7 Auer ass en Auto tëscht Lëntgen a Stuppecht an e Bam gerannt. Doropshi war d'Route de Fischbach bis op Weideres gespaart ginn. Wéi d'Police an der Mëttesstonn matgedeelt huet, war den 38 Joer ale Chauffer bei der Arrivée vun de Rettungsekippen net méi uspriechbar an ass nach op der Onglécksplaz u sengen uerge Blessure gestuerwen.
D'Ambulanz vu Jonglënster, d'Pompjeeë vu Lëntgen a Miersch souwéi de Samu waren am Asaz. Um 10:30 Auer war d'Streck fir de Verkéier nees op.
Déi genee Detailer fir d'Ursaach vum Accident sinn aktuell nach net gekläert. D'Police technique gouf mat den Ermëttlunge beoptraagt.

© Domingos Oliveira

© Domingos Oliveira

© Domingos Oliveira

© Domingos Oliveira

© Domingos Oliveira

© Domingos Oliveira
The photos published on this site are subject to copyright and may not be copied, modified, or sold without the prior permission of the owner of the site in question.
内容来自 RTL - National,版权归原作者所有。
阅读原文 ↗