Óttar og Kristófer lögðu upp mörk á Ítalíu
Óttar Magnús Karlsson lagði upp eina mark Renate í 2:1-tapi liðsins gegn toppliði Brescia í ítölsku C-deildinni í fótbolta í dag.
Óttar kom inn á í upphafi síðari hálfleiks og lagði upp jöfnunarmark liðsins á 82. mínútu. Heimamenn svöruðu hins vegar með sigurmarki sínu sjö mínútum síðar.
Renate er í vondum málum í 18. og næstneðsta sæti deildarinnar með 12 stig.
Kristófer Jónsson lagði upp eina mark Reggiana í 1:1 jafntefli gegn Forli. Gestirnir í Reggiana komust yfir á 17. mínútu en heimamenn jöfnuðu tveimur mínútum fyrir leikslok.
Reggiana er í sjötta sæti í C-deildinni, fjórum stigum frá þriðja sætinu, með 22 stig.
内容来自 Mbl.is - Íþróttir - Fótbolti,版权归原作者所有。
阅读原文 ↗
