Þeyttur rjómaostur í veislubúningi

Þeyttur rjómaostur með stökku beikoni, ristuðum pekanhnetum og chilihunangi að hætti Lindu Benediktsdóttur. Ljósmynd/Aðsend

Stökkt beikon, ristaðar pekanhnetur og volgt hunang með chiliflögum setja svip á þennan rjómaostarétt Lindu Benediktsdóttur. Hér mætast sætt, salt og örlítil kryddhitun í rétti sem auðvelt er að bera fram með kexi þegar gesti ber að garði.

Rjómaosturinn er þeyttur með sýrðum rjóma og sítrónuberki þar til blandan verður létt og mjúk. Henni er síðan dreift á disk og beikoninu, hnetunum og hunanginu bætt yfir. Uppskriftina er að finna á uppskriftavef Lindu Ben.

Lítið saltkex hentar vel til að ná rjómaosti, beikoni og pekanhnetum í einum bita. Ljósmynd/Aðsend

Þeyttur rjómaostur með stökku beikoni, pekanhnetum og heitu hunangi

Volgt chilihunang gefur réttinum sætu og örlítinn hita á móti söltu beikoninu. Ljósmynd/Aðsend

Þeyttur rjómaostur

  • 300 g hreinn rjómaostur
  • 100 g sýrður rjómi, 18%
  • 1 tsk. rifinn sítrónubörkur
  • Salt á hnífsoddi

Ofan á

  • 150 g beikon
  • 70 g pekanhnetur
  • 3 msk. hunang
  • ½–1 tsk. chiliflögur, eftir smekk
  • 1 tsk. eplaedik
  • Ferskt timjan

Meðlæti

  • Lítið saltkex

Aðferð

  1. Steikið beikonið þar til það er stökkt. Látið renna af því á eldhúspappír og skerið í litla bita.
  2. Grófsaxið pekanhneturnar og ristið á þurri pönnu í 2–3 mínútur þar til þær hafa tekið örlítinn lit og ilma vel.
  3. Setjið rjómaost, sýrðan rjóma, sítrónubörk og salt í skál. Þeytið með handþeytara í 1–2 mínútur þar til blandan er létt og mjúk.
  4. Setjið hunang, chiliflögur og eplaedik í lítinn pott. Hitið varlega í 1–2 mínútur þar til hunangið er vel fljótandi og allt hefur blandast saman. Ekki þarf að láta suðuna koma upp.
  5. Dreifið rjómaostablöndunni á disk, bakka eða í grunna skál. Mótið mjúkar bylgjur í yfirborðið með bakhlið skeiðar.
  6. Dreifið beikoninu og pekanhnetunum yfir.
  7. Hellið volgu chilihunanginu yfir og skreytið með fersku timjan.
  8. Berið fram með saltkexi til að dýfa í rjómaostinn.

内容来自 Mbl.is - Matur,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab