Landgöngubrúm var lokað á Keflavíkurflugvelli
Smávægilegar tafir urðu á komum og brottförum flugvéla á Keflavíkurflugvelli í nótt. mbl.is/Eggert Jóhannesson
Einhverjar raskanir urðu á flugferðum Icelandair í nótt og í morgun vegna veðurs, en öllum landgöngubrúm Keflavíkurflugvallar var lokað klukkan tvö í nótt.
Að sögn Guðjóns Helgasonar, upplýsingafulltrúa Isavia, urðu smávægilegar tafir vegna þessa, en landgangarnir voru teknir aftur í notkun rétt fyrir klukkan 7 í morgun.
„Í einhverjum tilvikum þurfti fólk að bíða í stutta stund í vélunum áður en landgangarnir voru opnaðir aftur,“ segir Guðjón.
Smávægilegar raskanir
Hann hvetur fólk til að fylgjast vandlega með gangi mála á vefsíðu Icelandair á meðan mesti vindhraðinn gengur yfir.
„Það gætu orðið einhverjar tafir en eins og staðan er núna þá eru þær ekki langvarandi,“ segir Guðjón.
内容来自 Mbl.is - Helstu fréttir,版权归原作者所有。
阅读原文 ↗