„Óviðeigandi“ æfingar hjá suðurkóreska hernum vekja upp ramakvein
Pressan
Sunnudaginn 22. nóvember 2026 09:30
Óvíða er gæslan meiri en á landamærum Kóreuríkjanna. Mynd:Getty
Suðurkóreski herinn hefur viðurkennt að æfingaprógramm fyrir sérsveitir hans hafi verið óviðeigandi. Þetta viðurkenndi herinn eftir að myndir af æfingaraðferðunum voru birtar opinberlega.
Þessi óviðeigandi æfing gekk út á að fyrirsætur voru fengnar til að kenna hermönnum, karlkyns, hvernig á að ganga eins og þær gera á tískusýningum og stilla sér upp eins og þær gera.
Þetta gerðist í lok október á sérstakri hátíð sem fór fram í herstöð sérsveita hersins.
The Independent segir að TV Chosun sjónvarpsstöðin hafi fengið upptökur af þessu frá manni sem var áður í sérsveitunum. Á þeim sjást fyrirsæturnar íklæddar felubúningum og í háhæluðum skóm sýna sérsveitarmönnum hvernig á að bera sig að á tískusýningum.
Hermennirnir hermdu síðan eftir hreyfingum þeirra, meðal annars hinu undarlega göngulagi eins og fyrirsætur nota á tískusýningum. Að lokum skiptust þeir á að ganga og stilla sér upp fyrir framan fyrirsæturnar.
Eftir birtinguna vöknuðu spurningar hjá mörgum af hverju sérsveitarmenn, sem takast á við allra hættulegustu verkefni hersins, væru að læra af fyrirsætum.
Fleiri fréttir
内容来自 DV.is,版权归原作者所有。
阅读原文 ↗