Missteig sig í beinni: Hún er forljót
Íþróttir | mbl | 22.11.2026 | 8:00
Franski sjónvarpslýsandinn Matthieu Solier hefur sætt gagnrýni eftir að hafa kallað tennisstjörnuna Arynu Sabalenku „forljóta“ í útsendingu beIN Sports frá WTA Finals-mótinu.
Solier hélt að slökkt væri á hljóðnemanum hans þegar hann lét ummælin falla á meðan Sabalenka birtist í kynningarmyndbandi í útsendingunni á sunnudag.
Ummælin urðu til þess að kallað var eftir brottrekstri hans á samfélagsmiðlum. Florent Huzot, ritstjórnarstjóri beIN Sports, fordæmdi ummælin í yfirlýsingu á X og sagði þau ekki endurspegla gildi sjónvarpsstöðvarinnar.
Ekki er ljóst hvort Solier verði beittur agaviðurlögum. Sabalenka hefur ekki brugðist opinberlega við.
内容来自 Mbl.is,版权归原作者所有。
阅读原文 ↗