Bárujárnsplötur fóru af stað vegna óveðurs
Lögreglunni sem sinnir verkefnum í Hafnarfirði og Garðabæ var tilkynnt um bárujárnsplötur sem voru farnar af stað vegna óveðurs.
Einnig var lögreglunni sem sinnir verkefnum í Kópavogi og Breiðholti tilkynnt um foktjón vegna veðurs.
Þetta kemur fram í dagbók lögreglunnar á höfuðborgarsvæðinu vegna verkefna frá klukkan 17 í gær til kl. 5 í morgun.
Fjársvik og grunsamlegar mannaferðir
Einstaklingur var handtekinn af lögreglunni sem sinnir verkefnum í Hafnarfirði og Garðabæ grunaður um fjársvik. Hann gat ekki greitt fyrir leigubíl. Málið er í rannsókn.
Lögreglustöðinni á Hverfisgötu barst tilkynning um grunsamlegar mannaferðir og mögulega ölvaðan einstakling. Ekkert kemur meira fram um málið í dagbókinni.
Nokkuð var um að ökumenn væru stöðvaðir grunaðir um akstur undir áhrifum áfengis og/eða fíkniefna, auk þess sem fimm voru teknir fyrir að aka án gildra ökuréttinda.
内容来自 Mbl.is - Innlendar fréttir,版权归原作者所有。
阅读原文 ↗
