Gular viðvaranir í gildi vegna hvassviðris

Það er rok og rigning víða um land.

Það er rok og rigning víða um land. mbl.is/Eyþór

Gular viðvaranir eru í gildi á höfuðborgarsvæðinu, Suðurlandi, Faxaflóa, Breiðafirði og miðhálendinu.

Það verður suðaustan hvassviðri eða stormur sunnan- og vestanlands fram eftir degi. Búast má við snörpum vindhviðum við fjöll, til dæmis nærri Eyjafjöllum, á Reykjanesi, við Esju og Hafnarfjall og á Snæfellsnesi. Vindur getur verið varasamur fyrir ökutæki, sér í lagi þau sem eru viðkvæm fyrir vindi, að því er segir í athugasemd veðurfræðings hjá Veðurstofu Íslands.

Veðurspá dagsins er þannig að spáð er suðaustan 13 til 23 m/s, hvassast í vindstrengjum á Suður- og Vesturlandi. Víða verður rigning, en þurrt um landið norðaustanvert. Dregur úr vindi eftir hádegi. Hlýnandi, hiti á bilinu 5 til 10 stig þegar kemur fram á daginn.

Suðaustan 10-18 m/s verða á morgun og rigning eða súld, en lengst af þurrt á Norður- og Norðausturlandi. Hiti breytist lítið.

Veðurvefur mbl.is

内容来自 Mbl.is - Innlendar fréttir,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab