„Hann kenndi mér allt sem ég kann“
Bruno Mars lærði ungur að spila á bongótrommur hjá föður sínum og hefur síðan hlotið 16 Grammy-verðlaun, þar af sex á einu kvöldi árið 2018. AFP/Don Emmert
Peter Hernandez, faðir tónlistarmannsins Bruno Mars, er látinn, 74 ára að aldri. Mars greindi frá andlátinu á Instagram og birti svarthvíta mynd af þeim feðgum í faðmlögum á sjúkrahúsi.
„Í síðustu viku fékk ég að faðma pabba í síðasta sinn,“ skrifar Mars. „Ég hef alltaf sagt að hann kenndi mér allt sem ég kann, ekki síst í tónlist.“
Hernandez var sjálfur tónlistarmaður og kenndi syni sínum á bongótrommur þegar hann var lítill. Í viðtali við tímaritið Latina árið 2017 sagðist Mars eiga föður sínum taktskynið að þakka. Hann hefði líka tekið föður sinn sér til fyrirmyndar í klæðaburði, allt frá jakkafötunum niður í lakkskóna.
„Í mínum augum var hann besti pabbi í heimi og ég mun sakna hans á hverjum degi þar til við hittumst aftur,“ skrifar Mars.
Í lok færslunnar minnist hann einnig móður sinnar, Bernadette Hernandez, sem lést árið 2013. „Ég elska þig, pabbi. Kysstu mömmu frá mér þarna uppi.“
内容来自 Mbl.is - Fólkið - Fólk,版权归原作者所有。
阅读原文 ↗