Ótrúlegur seinni hálfleikur er Arsenal missteig sig

Malik Thiaw fagnar marki sínu vel.

Malik Thiaw fagnar marki sínu vel. AFP/Andy Buchanan

Arsenal og Newcastle skildu jöfn, 2:2, í 11. umferð ensku úrvalsdeildarinnar á St. James' Park í kvöld.

Arsenal hefði með sigri í dag komið sér átta stigum á undan Manchester City og Brighton en er nú sex stigum á undan. Newcastle er í 12. sæti með 13 stig.

Arsenal byrjaði leikinn af krafti og átti Newcastle virkilega erfitt með að brjótast í gegnum pressu gestanna. Varð það til þess að Arsenal var með öll tök á leiknum í fyrri hálfleik.

Arsenal náði síðan loksins að brjóta ísinn á 33. mínútu þegar Havertz átti frábæra sendingu í gegn á Eberechi Eze sem þrumaði boltanum í netið og voru gestirnir með eins marks forystu í hálfleik.

Leikurinn gjörbreyttist hins vegar í seinni hálfleik þegar Ödegaard átti misheppnaða hreinsun úr vörninni. William Osula komst þá í boltann, renndi honum á Harvey Barnes sem smellti boltanum í netið.

Við það vaknaði Newcastle og stuðningsmenn liðsins til lífs og þá var það Arsenal sem átti í miklum erfiðleikum.

Á 62. mínútu fékk Dan Burn galopinn skalla inni í teig en lét verja frá sér frá David Raya. Raya varði hins vegar beint út í teiginn þar sem Malick Thiaw kom í seinni bylgjunni og potaði boltanum í netið og Newcastle yfir.

Newcastle hélt áfram að ógna marki Arsenal en á 78. mínútu náði Noni Madueke að jafna metin á ný og kom Arsenal aftur inn í leikinn.

Þá skiptu liðin aftur um hlutverk og var Arsenal betra liðið síðustu mínúturnar.

内容来自 Mbl.is - Íþróttir - Enski boltinn,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab