Táningurinn reyndist hetja Tottenham
Táningurinn Luca Williams-Barnett var stjarna Tottenham í dag er liðið hafði betur gegn Ipswich, 2:0, í 11. umferð ensku úrvalsdeildarinnar í knattspyrnu í dag.
Tottenham kemur sér því aftur á sigurbraut en liðið mátti þola tap gegn Leeds í síðustu umferð. Tottenham situr nú í níunda sæti deildarinnar með 15 stig á meðan Ipswich er í 16. sætinu með 11 stig.
Willams-Barnett kom Tottenham yfir eftir aðeins 15 mínútur eftir frábæra fyrirgjöf frá heimsmeistaranum Pedro Porro.
Táningurinn var síðan aftur á ferðinni í seinni hálfleiknum þegar hann þrumaði boltanum fyrir markið á Dominic Solanke sem stýrði boltanum í netið og tryggði sigur Tottenham.
Williams-Barnett er fæddur árið 2008 og er þetta annar leikur hans í ensku úrvalsdeildinni í ár.
Bournemouth vann öruggan sigur gegn Nottingham Forrest, 2:0, og er nú komið upp í fjórða sæti deildarinnar, fjórum stigum á eftir Manchester City.
Evanilson kom Bournemouth yfir eftir aðeins 19 mínútur og á þriðju mínútu uppbótartíma tvöfaldaði Justin Kluivert forystuna og urðu mörkin ekki fleiri.
Coventry sigraði Crystal Palace, 3:2, í æsispennandi leik þar sem sjálfsmark Dwight McNeil á 85. mínútu leiksins reyndist vera sigurmarkið.
Palace er því enn á botni deildarinnar með sjö stig á meðan nýliðarnir í Coventry sitja í 13. sætinu með 12 stig.
内容来自 Mbl.is - Íþróttir - Enski boltinn,版权归原作者所有。
阅读原文 ↗
