Ítrekaði ósk um að ganga í NATO
Volodimír, forseti Úkraínu, ítrekaði í dag einbeittan vilja lands síns til að ganga í NATO í kjölfar tillagna um að veita Kænugarði öryggistryggingar sambærilegar þeim sem hernaðarbandalagið veitir.
„Auðvitað vill Úkraína mjög gjarnan vera í NATO,“ sagði Selenskí við fréttamenn og taldi aðild að bandalaginu vera eina af „augljósustu öryggistryggingunum“ fyrir land sitt.
Spurningin um aðild Úkraínu að NATO, sem Bandaríkin hafa útilokað frá árinu 2025, hefur skotið aftur upp kollinum á undanförnum dögum í nýjum viðræðum um að binda enda á stríðið, nærri fimm árum eftir innrás Rússa.
Á fundi með bandamönnum Kænugarðs í Berlín á fimmtudag sagði Jared Kushner, sendifulltrúi Bandaríkjanna, að bandarísk stjórnvöld gætu verið reiðubúin að veita Úkraínu öryggistryggingu sambærilega þeirri sem kveðið er á um í 5. grein Norður-Atlantshafssáttmálans.
Í því ákvæði, hornsteini NATO, segir að árás á eitt aðildarríki teljist árás á öll bandalagsríkin.
Í gær sagði franska forsetaembættið að það að bjóða Kænugarði vernd „af toga 5. greinar“ jafngilti í reynd því að taka Úkraínu inn í bandalagið.
Sama dag lentu tvö rússnesk flugskeyti og það sem talið er hafa verið dróni í suðausturhluta Póllands, NATO-ríkis sem á landamæri að Úkraínu.
Mark Rutte, framkvæmdastjóri NATO, fordæmdi þessi brot á pólskri lofthelgi og sagði þau „augljóslega hættuleg“.
内容来自 Mbl.is,版权归原作者所有。
阅读原文 ↗