Verða ekki áfram á Hlíðarenda

Markus Nakkim verður ekki áfram á Hlíðarenda.

Markus Nakkim verður ekki áfram á Hlíðarenda. mbl.is/Karítas

Varnarmennirnir Markus Nakkim og Myles Veldman munu yfirgefa Val í Bestu deild karla í fótbolta en samningar þeirra við félagið renna út í lok árs.

Þetta staðfestir Halldór Árnason, þjálfari Vals, í samtali við Fótbolta.net.

„Bæði Myles og Markus eru góðir leikmenn sem lögðu sig alla fram fyrir félagið og spiluðu á köflum virkilega vel.

En eins og þú bendir á þá eru samningarnir þeirra runnir út og bæði ég og allir í Val óskum þeim alls hins besta í þeirra næsta verkefni," sagði Halldór við Fótbolta.net.

Nakkim er þrítugur norskur miðvörður sem gekk til liðs við Val fyrir tímabilið 2025. Hann lék áður með Vålerenga í heimalandinu og á að baki leiki með U21-landsliði Noregs.

Hann lék stórt hlutverk í vörn Vals árið 2025 þegar liðið hafnaði í öðru sæti deildarinnar og komst í bikarúrslit. Í sumar spilaði hann 16 leiki í deild og bikar og skoraði tvö mörk.

Veldman er 23 ára hollenskur vinstri bakvörður sem kom til Vals fyrir tímabilið 2026 eftir veru í Litháen. Hann spilaði 25 leiki í deild og bikar og skoraði þrjú mörk. 

Myles Veldman.

Myles Veldman. Ljósmynd/Valur

内容来自 Mbl.is - Íþróttir - Fótbolti,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab