Pochettino vill láta reka yfirmann sinn

Mauricio Pochettino.

Mauricio Pochettino. AFP/Andy Lyons

Mauricio Pochettino, knattspyrnustjóri Manchester United, vill gera breytingar á yfirstjórn félagsins og fá Paul Mitchell til starfa í stað Jason Wilcox, núverandi yfirmanns knattspyrnumála.

Samkvæmt Football Insider hefur Pochettino gert það að ósk sinni að Wilcox verði látinn víkja og Mitchell taki við stöðu hans. Þeir þekkjast vel eftir að hafa starfað saman hjá Southampton og Tottenham, þar sem Mitchell kom að uppbyggingu leikmannahópa félaganna.

Wilcox tók við starfi yfirmanns knattspyrnumála hjá Manchester United vorið 2024. Lítið hefur gengið hjá félaginu síðan hann tók við starfinu og hefur hann jafnframt verið óvinsæll meðal stuðningsmanna.

Pochettino vill því fá mann sem hann þekkir vel úr fyrri störfum til að gegna lykilhlutverki innan félagsins. Mitchell hefur reynslu af störfum í ensku knattspyrnunni og samstarf þeirra hjá Southampton og Tottenham gæti reynst mikilvægt í augum Argentínumannsins.

Ekki liggur fyrir hvort forráðamenn Manchester United séu reiðubúnir að verða við ósk Pochettinos.

Jason Wilcox.

Jason Wilcox. AFP/Paul Ellis

内容来自 Mbl.is - Íþróttir - Enski boltinn,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab