Setja mikla pressu á Alfreð Gíslason

Alfreð Gíslason

Alfreð Gíslason mbl.is/Kristinn Magnússon

Stefan Kretzschmar, fyrrverandi landsliðsmaður Þýskalands í handbolta, telur að Þýskaland undir stjórn Alfreðs Gíslasonar geti orðið heimsmeistari karla á heimavelli í janúar. Hugarfarið muni þó ráða úrslitum.

„Ég held að við þurfum ekki að hafa áhyggjur af hæfileikunum. Það sem mun ráða mestu er hugarfar liðsins,“ sagði Kretzschmar á kynningu streymisveitunnar Dyn í Berlín.

Hann segir leikmenn þurfa að þora að stefna á titilinn og sýna að þeir trúi á þann möguleika. Náist jafnframt sterk tengsl við áhorfendur geti Þjóðverjar farið alla leið.

Heiner Brand, sem þjálfaði Þjóðverja þegar þeir urðu heimsmeistarar á heimavelli árið 2007, tekur undir bjartsýnina.

„Við höfum ekki haft jafn mikla möguleika með landsliðinu í 50 ár. Þetta er besta kynslóðin í áratugi,“ segir Brand í bókinni Generation Gentlemen eftir Ron Ulrich. Hann telur Þjóðverja jafnframt hafa meiri skotkraft fyrir utan en nokkurt annað landslið, þar á meðal Dani.

内容来自 mbl.is - Íþróttafréttir,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab