Setur piparköku í kokteilhristarann

Matur | mbl | 19.11.2026 | 20:00

Linda Benediktsdóttir notar klessupiparköku í rjómakenndan kokteil með piparköku- og vanillubragði. Ljósmynd/Aðsend

Piparkökur eiga ekki aðeins heima á kökudiskinum. Linda Benediktsdóttir notar heila klessupiparköku í þennan rjómakennda kokteil sem hún segir hafa slegið í gegn þegar hún bauð vinkonum sínum í jólaföndur og bakstur á dögunum.

Í drykknum mætast piparköku- og vanillubragð ásamt rjóma og nýmjólk. Kakan er hrist saman við hráefnin og að lokum fær hálf piparkaka að prýða glasið. Uppskriftina er að finna á uppskriftavef Lindu Ben.

Klessupiparkökumartíní

Hálf klessupiparkaka prýðir glasið og gefur drykknum hátíðlegan svip.

Hálf klessupiparkaka prýðir glasið og gefur drykknum hátíðlegan svip. Ljósmynd/Aðsend

Fyrir 1 glas.

  • 50 ml rjómalíkjör með piparkökubragði
  • 30 ml vanilluvodka
  • 30 ml rjómi
  • 30 ml nýmjólk
  • Klakar
  • 1 klessupiparkaka frá Lindu Ben
  • ½ klessupiparkaka frá Lindu Ben til skrauts

Aðferð

  1. Setjið rjómalíkjör, vanilluvodka, rjóma, nýmjólk og eina klessupiparköku í kokteilhristara ásamt klökum.
  2. Hristið vel í 30 sekúndur þar til drykkurinn er ískaldur og örlítið froðukenndur.
  3. Sigtið í kokteilglas og skreytið með hálfri klessupiparköku.

内容来自 Mbl.is - Matur,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab