Glódís Perla sneri aftur

Glódís Perla Viggósdóttir sneri aftur.

Glódís Perla Viggósdóttir sneri aftur. AFP/Markus Fischer

Glódís Perla Viggósdóttir sneri aftur eftir hnémeiðsli þegar Bayern München vann Austria Wien, 4:0, á útivelli í Meistaradeildinni í fótbolta í kvöld. Landsliðsfyrirliðinn var í byrjunarliðinu og lék fyrstu 58 mínúturnar.

Bayern er komið í efsta sæti deildarkeppninnar með ellefu stig eftir fimm leiki. Chelsea er með jafnmörg stig en lakari markatölu. Lyon og Barcelona eru stigi á eftir og eiga leik til góða.

Glódís hafði síðast leikið gegn Real Madrid 28. október. Hún missti af tveimur leikjum vegna meiðslanna og var síðan ónotaður varamaður gegn París Saint-Germain og Wolfsburg.

Klara Bühl kom Bayern yfir á 27. mínútu og Pernille Harder tvöfaldaði forskotið í uppbótartíma fyrri hálfleiks. Alara Şehitler bætti þriðja markinu við á 75. mínútu og Sophie Proost innsiglaði sigurinn í uppbótartíma.

Grátlegt fyrir Emelíu

Emelía Óskarsdóttir kom inn á sem varamaður á 72. mínútu þegar danska liðið Köge tapaði fyrir Paris FC, 2:1, á útivelli í sömu keppni.

Catherine Paulson kom Köge yfir á 12. mínútu en Sheika Scott jafnaði á þeirri 35. og Célina Ould Hocine skoraði sigurmarkið í uppbótartíma.

Köge er í tólfta sæti með fjögur stig eftir fimm leiki. Paris FC fór upp fyrir danska liðið með sigrinum og er með fimm stig.

内容来自 Mbl.is - Íþróttir - Fótbolti,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab