Andrea að gera glæsilega hluti á Spáni

Andrea á mótinu í dag.

Andrea á mótinu í dag. Ljósmynd/LET Access

Andrea Bergsdóttir er jöfn í öðru sæti fyrir lokahring Islantilla Open á LET Access-mótaröðinni í golfi á Spáni. Hún lék annan hringinn á 68 höggum í dag, fjórum undir pari, og er samtals á fjórum höggum undir pari eftir tvo hringi.

Andrea hóf daginn jöfn í tíunda sæti eftir að hafa leikið fyrsta hringinn á pari. Hún deilir nú öðru sætinu með þremur öðrum kylfingum, tveimur höggum á eftir Spánverjanum Marinu Escobar Domingo.

Ragnhildur Kristinsdóttir komst einnig í gegnum niðurskurðinn. Hún lék á 74 höggum í dag, tveimur yfir pari, og er jöfn í 44. sæti á sex höggum yfir pari samtals. Niðurskurðurinn miðaðist við það skor.

Hulda Clara Gestsdóttir er hins vegar úr leik. Hún bætti sig um átta högg frá fyrsta hring og lék á pari í dag, 72 höggum. Það dugði þó ekki til og hafnaði hún jöfn í 60. sæti á átta höggum yfir pari.

Þetta er lokamót tímabilsins og lýkur því á morgun. Sjö efstu kylfingar stigalistans að mótinu loknu tryggja sér keppnisrétt á Evrópumótaröðinni, sterkustu atvinnumótaröð Evrópu, á næsta ári. Andrea var í 24. sæti listans fyrir mótið, Ragnhildur í því 21. og Hulda í því níunda.

内容来自 Mbl.is - Íþróttir - Golf,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab