Ríkisfyrirtæki ekki bundin við 2,5% hækkun

Fjármálaráðuneytið hefur gefið út tilmæli til ríkisfyrirtækja.

Fjármálaráðuneytið hefur gefið út tilmæli til ríkisfyrirtækja. ml.is/Þorkell Þorkelsson

Stjórnir fyrirtækja í eigu ríkisins þurfa sjálfar að meta hvort þær fylgi tilmælum ríkisstjórnarinnar um að halda gjaldskrárhækkunum innan 2,5% á næsta ári.

Tilmælin eru liður í aðgerðum stjórnvalda til að styðja við verðstöðugleika í tengslum við kjarasamninga á almennum vinnumarkaði.

Þetta kemur fram í umfjöllun fjármála- og efnahagsráðuneytisins um framkvæmd yfirlýsingar ríkisstjórnarinnar frá 8. október síðastliðnum.

Samkvæmt yfirlýsingunni skulu gjaldskrár ríkisstofnana sem hafa bein áhrif á vísitölu neysluverðs ekki hækka um meira en 2,5% á árinu 2027. Þá er ríkisstofnunum beint að gæta aðhalds í launaákvörðunum og hækka ekki laun umfram það sem kjarasamningar kveða á um.

Ekki bindandi fyrir stjórnir ríkisfyrirtækja

Hvað fyrirtæki í eigu ríkisins varðar eru hins vegar sett fram tilmæli um að gjaldskrár opinberrar þjónustu sem hafa bein áhrif á vísitölu neysluverðs hækki ekki umfram 2,5%.

Stjórnir fyrirtækjanna eru jafnframt hvattar til að gæta aðhalds í launaákvörðunum og halda launahækkunum innan þeirra marka sem kjarasamningar kveða á um.

Hluti af aðgerðum vegna kjarasamninga

Aðgerðir um 2,5% hámarkshækkun voru kynntar í tengslum við samkomulag um framhald kjarasamninga á almennum vinnumarkaði í október.

Markmið þeirra er að draga úr verðhækkunum sem geta haft áhrif á verðbólgu og styðja þannig við verðstöðugleika.

Aðhaldið nær bæði til gjaldskráa sem hafa bein áhrif á vísitölu neysluverðs og launaákvarðana hjá stofnunum og fyrirtækjum ríkisins.

内容来自 Mbl.is,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab