Valsmenn unnu í 77 marka leik

Valur er í öðru sæti deildarinnar eftir sigurinn en Afturelding er í því fjórða. mbl.is/Anton Brink

Valur vann Aftureldingu 40:37 í úrvalsdeild karla í handbolta í dag. Valur er í 2. sæti deildarinnar með 14 stig en Afturelding situr í 4. sæti með 11.

Leikurinn var í járnum allt frá upphafi og liðin skoruðu grimmt. Valur var einu marki yfir í hálfleik 19:18. 

Valsmenn voru með undirtökin allan síðari hálfleik og komust mest fimm mörkum yfir 39:34 þegar fjórar mínútur voru eftir.

Gestirnir löguðu stöðuna undir lok leiksins en Arnór Snær Óskarsson skoraði á lokasekúndum og þriggja marka sigur Vals því staðreynd. 

Gunnar Róbertsson átti enn einn stórleikinn í liði Vals og var langmarkahæstur með 14 mörk. Færeyingarnir Allan Norðberg og Bjarni í Selvindi áttu einnig góðan leik, Allan skoraði 9 mörk og Bjarni 7.

Björgvin Páll Gústavsson var traustur í marki Vals, varði 13 skot og var með 26% markvörslu.

Árni Bragi Eyjólfsson var markahæstur gestanna með 6 mörk og Leó Halldórsson og Þorvaldur Tryggvason skoruðu 5.

Árni Bragi Eyjólfsson var markahæstur gestanna með sex mörk.

Árni Bragi Eyjólfsson var markahæstur gestanna með sex mörk. mbl.is/Anton Brink

内容来自 Mbl.is - Íþróttir - Handbolti,版权归原作者所有。

阅读原文 ↗

把喜欢的内容,留在你的新标签页。

打开我的订阅