Freyr frábær í stórsigri Hauka
Sigurður Jefferson Guarino línumaður Hauka í miklum slag við varnarmenn KA Ljósmynd/Egill Bjarni Friðjónsson
Haukar unnu öflugan sigur á KA 36:27 í 9. umferð úrvalsdeildar karla í handbolta í kvöld. Haukar eru sem fyrr á toppi deildarinnar með fullt hús stiga, 18 stig. KA er í þriðja sæti með 12.
Haukar byrjuðu leikinn sterkt og skoruðu fyrstu þrjú mörkin í leiknum á Akureyri. Hafnfirðingar héldu frumkvæðinu í leiknum og komust mest sjö mörkum yfir í fyrri hálfleik 19:12 en þannig var staðan í hálfleik.
Sigur Hauka var aldrei í hættu í síðari hálfleik.
Freyr Aronsson átti frábæran leik í liði Hauka en hann skoraði 14 mörk úr 17 skotum. Össur Haraldsson kom næstur með níu mörk.
Reynsluboltinn Aron Rafn Eðvarðsson varði einni vel í marki Hauka, en hann varði 14 skot og var með 38% markvörslu.
Dagur Árni Heimisson var atkvæðamestur í liði heimamanna en hann skoraði 10 mörk. Dagur Gautason kom næstur með 5 og Bjarni Ófeigur Valdimarsson skoraði fjögur úr níu skotum.
Ágúst Elí Björgvinsson varði 10 skot í marki KA og var með 22% markvörslu.
内容来自 Mbl.is - Íþróttir - Handbolti,版权归原作者所有。
阅读原文 ↗


