Krefjandi verkefni hjá Haukum í Evrópu
Haukar mæta slóvakíska liðinu HC DAC Dunajská Streda í 16-liða úrslitum Evrópubikars kvenna í handbolta. Dregið var í höfuðstöðvum Handknattleikssambands Evrópu í Vínarborg í dag.
Samkvæmt drættinum verður fyrri leikurinn í Slóvakíu helgina 9. og 10. janúar og sá síðari á Ásvöllum viku síðar. Félögin gætu þó samið um að leika báða leikina sömu helgi.
Dunajská Streda hefur byrjað tímabilið af krafti og er efst í sameiginlegri úrvalsdeild Slóvakíu og Tékklands. Liðið hefur unnið níu leiki af tíu og tapað einum.
Haukar unnu Levalea 2010 Nikšić frá Svartfjallalandi samanlagt 66:51 í síðustu umferð.
内容来自 mbl.is - Íþróttafréttir,版权归原作者所有。
阅读原文 ↗