Rifjar upp síðustu orð föður síns
Kim Kardashian rifjar upp síðustu samtölin við föður sinn í nýrri ævisögu. Hér er hún á hátíðarkvöldverði í október. AFP/Lisa O’Connor
Kim Kardashian rifjar upp síðustu samtöl sín við föður sinn, lögmanninn Robert Kardashian, í nýrri ævisögu.
Hann lést árið 2003, aðeins átta vikum eftir að hann greindist með krabbamein í vélinda. Hann var 59 ára en Kim var þá 22 ára.
Í bókinni Citizen Kim: The Woman Who Created the Future, eftir Jonathan Van Meter, segir Kim að faðir hennar hafi fullvissað hana um að henni myndi farnast vel í lífinu. Jafnframt hafi hann beðið hana að gæta systkina sinna.
„Hann lagði höndina á fótlegginn á mér. Ég gleymi því aldrei,“ segir Kim og rifjar upp að þau hafi legið þétt saman í sófa og horft á kvikmynd.
„Þér mun farnast vel. En hugsaðu um hin. Og vertu viss um að bróðir þinn hafi það gott,“ hafi hann sagt.
Þakkaði honum fyrir allt
Kim greinir einnig frá síðustu orðunum sem hún sagði við föður sinn. Þá hafi hann ekki lengur getað tjáð sig og hún vitað að dauðinn væri á næsta leiti.
„Pabbi, takk kærlega fyrir allt sem þú hefur kennt mér, allt frá því hvernig ég á að vera góð manneskja til þess hvernig þú hjálpaðir mér með heimanámið,“ sagði hún við hann.
Hún hafi jafnframt lofað að miðla því sem hann kenndi henni til eigin barna þegar þar að kæmi.
Robert og Kris Jenner voru gift frá 1978 til 1991 og eignuðust fjögur börn, Kourtney, Kim, Khloé og Rob.
内容来自 Mbl.is - Fólkið - Fólk,版权归原作者所有。
阅读原文 ↗/frimg/1/68/79/1687922.jpg)

