Æskuvinirnir Árni Már og Erla í eina sæng
Það var líf og fjör þegar íslenska merkið URÐ fagnaði tíu ár afmæli sínu þann 15. október. Fjöldi gesta mætti til að fagna tímamótunum með stofnandanum Erlu Gísladóttur.
Stemningin var einstaklega hlý og skemmtileg þar sem gestir komu saman til að fagna áratug af sköpun, ilmum og íslenskri hönnun.
Í tilefni afmælisins var nýtt afmæliskerti, Hiti, kynnt til sögunnar en það var unnið í samstarfi við myndlistarmanninn vinsæla Árna Má Þ. Viðarsson. Samstarfið á sér persónulegar rætur en Erla og Árni Mári eru æskuvinir úr Vesturbæ Reykjavíkur.
Hugmyndin að ilminum kviknaði þegar Erla fór að rifja upp æskuárin og minningarnar um hitaútblásturinn við Háskólabíó, þar sem þau sátu gjarnan sem unglingar í hlýjunni með popplyktina úr bíóinu í loftinu.
Þessar minningar urðu innblástur að kertinu, þar sem Erla túlkar fortíðina með ilmi og Árni Már með myndlist. Hann hannaði umbúðir kertisins og skapaði jafnframt sérstök myndverk fyrir afmælisverkefnið sem gestir fengu að njóta á viðburðinum.
内容来自 Mbl.is - Smartland - Samkvæmislífið,版权归原作者所有。
阅读原文 ↗














