Ingibjörg Sólrún lét sig ekki vanta
Ingibjörg Sólrún Gísladóttir, Þorbjörn Broddason og Kristín Árnadóttir voru í góðum gír í útgáfuboði Kristínar Ómarsdóttur. mbl.is/Karítas
Rithöfundurinn Kristín Ómarsdóttir hélt veglegt útgáfuboð í bókabúð Forlagsins á Fiskislóð á dögunum. Þar fagnaði fjöldi fólks með Kristínu útgáfu bókarinnar Móðurást: Lausnargjaldið.
Margir klæddust bleikum fötum en útgáfuboðið fór fram á bleika deginum. Á meðal gesta var fólk úr listaheiminum. Silja Aðalsteinsdóttir og Vigdís Grímsdóttir létu sig ekki vanta. Sú síðarnefnda var þó klædd svörtu eins og vanalega þrátt fyrir bleika daginn. Fólk úr heimi stjórnmála var líka á staðnum en þar var Ingibjörg Sólrún Gísladóttir fremst í flokki. Doktor Ásgeir Brynjar Torfason missti ekki heldur af boðinu.
Móðurást: Lausnargjaldið er fjórða bókin í verðlaunaritröð Kristínar Ómarsdóttur um Oddnýju langömmu sína í Biskupstungum á ofanverðri nítjándu öld. Fyrsta bókin, Móðurást: Oddný, fékk Fjöruverðlaunin og sú næsta, Móðurást: Draumþing, hlaut Íslensku bókmenntaverðlaunin.
内容来自 Mbl.is - Smartland - Samkvæmislífið,版权归原作者所有。
阅读原文 ↗









