Tískudrottning selur íbúð við Reynimel
Eva Katrín Baldursdóttir, eigandi tískuverslunarinnar Andrá Reykjavík, og unnusti hennar, Ragnar Jón Hrólfsson fjölmiðlamaður, hafa sett fallega íbúð við Reynimel á sölu.
Íbúðin er 94 fm, fjögurra herbergja endaíbúð á fyrstu hæð í fjölbýlishúsi sem var byggt árið 1966. Íbúðin er á fjölskylduvænum og vinsælum stað í Vesturbænum.
Það kemur ekki á óvart að heimili verslunareigandans sé fullt af skemmtilegum smáatriðum og fallegum munum. Stofan er björt með stórum gluggum og er borðstofan í sama opna rými. Eldhúsið er með hvítri innréttingu og svörtum kvartsein á borðum.
Íbúðin var mikið endurnýjuð árið 2017 þar sem meðal annars var ráðist í endurbætur á eldhúsi og baðherbergi, gólfefni endurnýjuð og nýtt rafmagn dregið.
Sjá á fasteignavef mbl.is: Reynimelur 92
Stofan er björt með stórum gluggum. Vertigo-ljósið gerir einstaklega mikið fyrir rýmið. Ljósmynd/Fasteignavefur mbl.is
内容来自 Mbl.is - Smartland - Heimili og hönnun,版权归原作者所有。
阅读原文 ↗




