Bragi og Aldís selja miðbæjarperluna
Læknanemarnir Bragi Aðalsteinsson og Aldís Eyja Axelsdóttir hafa komið sér vel fyrir í fallegri íbúð við Brávallagötu 48 í Reykjavík. Nú er íbúðin komin á sölu. Þetta er sannkölluð miðbæjarperla þar sem stutt er í allar áttir.
Um er að ræða 72 fm íbúð sem er í húsi sem reist var 1937.
Heimilið er smekklega innréttað en árið 2025 var eldhúsið gert upp með ljósgrárri innréttingu og er heillandi steinn á borðplötunum. Undirlímdur vaskur er í eldhúsinu og er helluborðið niðurfellt.
Hver hlutur á sínum stað
Eldhúsið er opið inn í stofu þar sem pláss er fyrir stórt borðstofuborð, sófa og skrautmuni. Í stofunni eru String-hillur úr Epal og falleg listaverk. Vínrautt Flowerpot-ljós hangir yfir borðstofuborðinu og kallast það á við vínrautt Kartell borð.
Baðherbergið er nýlega gert upp með dökkum flísum á veggjum og ljósum flísum á gólfi. Þar er speglaskápur með baklýsingu og upphengt salerni.
Vínrautt Flowerpot-ljós hangir yfir borðstofuborðinu og kallast það á við Kartell-borðið sem er í sama lit. Ljósmynd/fasteignavefur mbl.is
Í íbúðinni eru upprunalegar innihurðar sem gefa íbúðinni sjarmerandi yfirbragð. Ljósmynd/fasteignavefur mbl.is
Eins og sjá má er heildarmynd heimilisins heillandi og smart.
Sjá nánar á fasteignavef mbl.is: Brávallagata 48
Baðherbergið er smekklega innréttað með stórum spegli með baklýsingu. Ljósmynd/fasteignavefur mbl.is
内容来自 Mbl.is - Smartland - Heimili og hönnun,版权归原作者所有。
阅读原文 ↗




