Lionel Messi orðaður við endurkomu

Lionel Messi.

Lionel Messi. AFP/Giorgio VIERA

Argentínski knattspyrnumaðurinn Lionel Messi gæti snúið aftur í argentínska landsliðið sem hluti af þjálfarateymi liðsins.

Það er TNT Sports sem greinir frá þessu en Messi, sem er 39 ára gamall, lagði landsliðsskóna á hilluna á dögunum.

Lionel Scaloni, landsliðsþjálfari Argentínu, skrifaði undir nýjan fjögurra ára samning á dögunum en hann hefur stýrt liðinu samfleytt frá árinu 2018.

Scaloni hefur mikinn áhuga á því að fá Messi í þjálfarateymið en hann leikur með Inter Miami í bandarísku atvinnumannadeildinni í dag.

Messi lék alls 208 A-landsleiki fyrir Argentínu á árunum 2005 til ársins 2026 og skoraði í þeim 126 mörk en hann varð heimsmeistari með liðinu árið 2022 og tvívegis Suður-Ameríkumeistari.

内容来自 Mbl.is,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab