Veltan af GTA er á einstökum skala

Tölvuleikurinn Grand Theft Auto IV, GTA, kom út á miðnætti eftir 13 ára bið. Því vonar maður, vinnuveitenda vegna, að fjöldi innhringinga frá starfsfólki vegna veikinda haldist eðlilegur í dag. Ýmsir spáðu því í erlendum miðlum í aðdraganda útgáfunnar að veikindafjarvistir í dag gætu valdið eins milljarðs bandaríkjadala tjóni vestanhafs.

Strauss Zelnick, forstjóri fyrirtækisins Take Two sem gefur út leikinn, gaf lítið fyrir þessar áhyggjur fyrr á árinu og sagði þær vera lítið annað en fyrirsagnafóður. Það breytir því ekki að umræðan og talan sem þarna er nefnd er táknræn fyrir þá ótrúlegu eftirvæntingu sem hefur verið fyrir leiknum og peningana í spilinu. Tölvuleikurinn er talinn vera sá dýrasti í sögunni og dýrari en nokkur kvikmynd eða hljómplata ef út í það er farið. Upphæðirnar eru óheyrilega háar.

Borgaði sig líklega til baka áður en hann kom út

Tölvuleikurinn kostaði um einn til einn og hálfan milljarð bandaríkjadala í framleiðslu sem eru um 125 til 167 milljarðar íslenskra króna. Fjárhæðin jafngildir um 8–12% af heildartekjum ríkissjóðs á síðasta ári sem námu 1.519,6 milljörðum króna samkvæmt Hagstofunni. Zelnick forstjóri sagðist vongóður um að tekjur Take Two á reikningsárinu, frá apríl í ár út mars á næsta ári, næmu um 8 milljörðum dala.

Fróðlegt væri að vita hvað Take Two hefur skilað miklu í kassann nú þegar leikurinn er kominn út en um hádegisbilið í gær höfðu engar tölur verið gefnar út þess efnis. Fréttaveitan AFP hefur eftir fyrirtækinu Sensor Tower, sem sérhæfir sig í þessu, mat um að salan hefði að minnsta kosti numið 15 milljónum eintaka í forsölu um hádegisbilið í gær. Miðað við þær tölur höfðu tekjurnar þá numið að minnsta kosti einum og hálfum milljarði dala og kostnaðurinn við framleiðslu leiksins því þegar borgað sig til baka.

„Engir tónleikar og engar bíóaðsóknartölur hafa nokkurn tímann aflað meiri tekna en Grand Theft Auto, sem sker sig algjörlega úr í afþreyingarbransanum,“ sagði prófessorinn Joost van Dreuen, við Stern-viðskiptaháskólann í New York, um vinsældirnar við AFP. Grand Theft Auto V seldi á fyrsta degi eintök fyrir 800 milljónir dala (2014) og hafði náð milljarðinum innan þriggja daga. Þessi upphæð hefur þó ekki verið reiknuð til núvirðis.

Grand Theft Auto IV er nú kominn í hendur tölvuleikjaáhugamanna. Hér á landi kostar grunnútgáfan 10.995 krónur úti í verslun. AFP/Ralph Hirchberger

Þegar tilnefndur til verðlauna

Grand Theft Auto VI hefur eytt miklu fé í markaðssetningu eins og í tilfellum fyrri leikja. Í því felst að koma fyrir risastórum auglýsingaskiltum í stórborgum víðs vegar um heiminn. Það undirstrikar markmið framleiðendanna sem er að gera tölvuleikinn að risastóru menningarfyrirbæri sem hann er nú þegar orðinn.

Bara stiklan til að auglýsa leikinn var mjög stór útgáfa í sjálfu sér. Rétturinn var seldur til Netflix fyrr á árinu, það er streymisveitan hafði hann í lokuðu streymi í sex klukkutíma áður en myndbandið var birt. Kaupverðið liggur ekki fyrir en ábyggilega er um tugi milljóna dala að ræða.

Viðtökurnar við GTA VI hafa ekki látið á sér standa þó svo að leikurinn sé rétt nýkominn út. Á meðan tölvuleikurinn var enn óútkominn hlaut hann, fyrr í vikunni, átta tilnefningar á verðlaununum „Tölvuleikur ársins“. Verðlaunin eru hliðstæða Óskarsverðlaunanna fyrir tölvuleikjaheiminn.

Rockstar tölvuleikjaverið hefur skapað verðmæti.

Rockstar tölvuleikjaverið hefur skapað verðmæti. AFP/Toby Sherpheard

内容来自 Mbl.is - Erlendar fréttir,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab