Kossar sagðir aðeins hluti af sögunni
Meint kossaflens starfsmanna Hagaskóla í Reykjavík er sagt hafa verið öllu holdlegra en kom fram í bréfi sem stjórnendur skólans sendu forráðamönnum barna í skólanum í gær.
Í bréfinu sem starfandi skólastjóri sendi segir að tveir starfsmenn skólans hafi sést kyssast í skólanum.
Samkvæmt heimildum mbl.is gengur myndefni af meintum ástarlotum starfsmannanna á milli nemenda skólans.
Starfsfólk sýnilegt á göngum skólans
Starfsmennirnir eru sagðir hafa stundað kynlíf innan veggja skólans, þar sem nemendur hefðu getað orðið vitni að athæfinu.
Í bréfinu sagði að rætt hefði verið við hlutaðeigandi aðila og að málið væri til skoðunar í samráði við mannauðsskrifstofu skóla- og frístundasviðs.
Enn fremur segir að lögð hafi verið áhersla á að starfsfólk skólans væri sýnilegt á göngum skólans svo nemendur gætu leitað til þess hefðu þeir spurningar eða vildu ræða málið.
Ekki hefur náðst í stjórnendur Hagaskóla við gerð þessarar fréttar.
内容来自 Mbl.is - Innlendar fréttir,版权归原作者所有。
阅读原文 ↗