Eftirsóttustu einhleypu skvísur landsins
Camilla Rut Arnarsdóttir, Guðríður Erla Torfadóttir, Telma Fanney Magnúsdóttir og Birta Líf Þórudóttir eru eftirsóttar. Samsett mynd
Haustið er að skella á og þá er kominn tími til að fara í samband. Það er ekkert betra á haustin en að kúra undir teppi, kveikja á kertum og að horfa á Netflix með kæró. Það er ekkert gaman að vera á djamminu þegar Tenerife-brúnkan fer að dofna og konur þurfa að skipta sandölum út fyrir bomsur.
Það eru fjölmargar konur á lausu eins og sjá má á lista yfir þær konur sem eru einhleypar á Smartlandi.
Guðríður Erla Torfadóttir
Einkaþjálfarinn Guðríður Erla Torfadóttir varð heimsfræg á Íslandi þegar hún þjálfaði keppendur í Biggest Looser Ísland en þættirnir voru sýndir hérlendis í Sjónvarpi Símans. Þar var hún grjóthörð og gaf engan afslátt. Hún gefur heldur engan afslátt þegar kemur að ástinni og nú er hún frjáls eins og fuglinn.
Birta Líf Þórudóttir
Birta Líf Þórudóttir er áhrifavaldur og stjórnar hlaðvarpinu Teboðinu með vinkonu sinni Sunnevu Eir Einarsdóttur. Birta hætti nýlega með sambýlismanni sínum og barnsföður. Birta hefur gert það gott í hlaðvarpsheiminum en í tekjublaði Frjálsrar verslunar voru mánaðarlaun hennar 1.126.00 kr.
Camilla Rut Arnarsdóttir
Camilla Rut var einn fyrsti áhrifavaldurinn á Íslandi þegar Snapchat byrjaði en nú er hún markaðsstjóri Hopp. Camilla Rut hætti nýlega með Valgeiri Gunnlaugssyni veitingamanni og ákvað hún í kjölfarið að gera breytingar á lífi sínu og flytja út á land og lifa rólegra lífi.
Nadía Atladóttir
Nadía Atladóttir, knattspyrnukona og lögfræðingur, er á lausu. Nadía er alin upp í Hafnarfirði og er systir Patriks Altasonar tónlistarmanns eða Prettyboitjokko. Fjölskylduboðin eru örugglega ekki leiðinleg og örugglega alltaf gott súkkulaði í eftirrétt. Nadía setti nýlega húsið sitt á sölu.
Dorrit Moussaieff
Dorrit Moussaieff, fyrrverandi forsetafrú og demantadrottning, er einhleyp eftir að hjónabandi hennar og Ólafs Ragnars Grímssonar fyrrverandi forseta Íslands lauk. Dorrit er ein skemmtilegasta kona sem til er, finnst best að flakka um heiminn og lifa lífinu lifandi. Aldur er bara tala þegar Dorrit er annars vegar. Hún tjáir sig með tjáknum eins og unga fólkið og er yfirleitt að leika sér í sjónum eða klappa krúttlegum dýrum.
Lovísa Ólafsdóttir
Lovísa er viðskiptafræðingur og fjárfestir sem hefur komið víða við á sínum ferli. Nú stundar hún sálfræðinám og nýtir hverja mínútu til þess að gera eitthvað skemmtilegt. Ef hún er ekki úti í á að veiða þá er hún á skíðum eða í Kaupmannahöfn þar sem hún er með annan fótinn.
Þorbjörg Hafsteinsdóttir
Hún er hjúkrunarfræðingur og næringarþerapisti sem hefur gert gott mót í sínu fagi. Þorbjörg geislar af heilbrigði. Hún lyftir lóðum og borðar heilnæman mat. En hún er ein af þeim sem fylgir hjartanu og er alltaf til í að gera lífið skemmtilegra. Þorbjörg skrifar reglulega pistla inn á Smartland um heilsu.
Helga Hlín Hákonardóttir
Helga Hlín Hákonardóttir er eigandi ráðgjafarfyrirtækisins Strategíu og stjórnarmaður í nokkrum stjórnum. Hún á nokkra heimsmeistara- og Evrópumeistaratitla í ólympískum lyftingum og fjölda Íslandsmeta. Helga Hlín elskar að fara ótroðnar slóðir í lífinu og orðið „hefðbundið“ er neikvætt í orðabókinni hennar.
Berta Sigríðardóttir
Leikkonan Berta Sigríðardóttir er á lausu en hún hefur meðal annars skrifað pistla í Morgunblaðið og á Smartland um það hvernig er að vera einhleyp á Íslandi núna. „Sem 27 ára einhleyp kona er ég orðin eins og sjaldgæf fuglategund á Íslandi - tegund í bráðri útrýmingarhættu,“ skrifaði hin hressa Berta í Morgunblaðið í fyrra.
Telma Fanney Magnúsdóttir
Það er ekkert sem Telma Fanney Magnúsdóttir getur ekki gert og virðist hún vera með fleiri klukkutíma í sólhringnum en margir aðrir. Telma Fanney sem er meistaranemi í klínískri sálfræði er líka búin með grunnnám í lögfræði og hefur verið vinsæll einkaþjálfari. Telma er ein glæsilegasta kona landsins og var lengi vel trúlofuð tónlistarmanninum Jökli Júlíussyni sem er oft kenndur við Kaleo.
Hildur Skúladóttir
Hildur er sálfræðingur og er laus og liðug. Hún á tvö börn með fyrrverandi sambýlismanni sínum, leikaranum Aroni „mola“ Ólafssyni. Hildur er bæði klár og sjarmerandi kona og heillar alla upp úr skónum hvar sem hún kemur.
Anna María Gísladóttir
Anna María er lögmaður hjá Sögu lögfræðistofu en hún starfaði áður hjá CATO lögmönnum. Hún er formaður félags sjálfstæðismanna á Seltjarnarnesi og á þrjú börn. Hún elskar að lifa lífinu; ferðast, spila golf og halda veislur. Það er alltaf stuð í kringum Önnu Maríu sem kýs að vera manneskjan á bak við tjöldin - ekki í sviðsljósinu.
Silja Rán Arnarsdóttir
Silja Rán sem er lögfræðingur og saksóknari er einhleyp kona. Hún er ekki bara klár heldur ein skemmtilegasta einhleypa kona landsins. Það kemur heldur ekki á óvart að þar sem er fjör þar er Silja yfirleitt mætt. Hún var til dæmis mætt til Tenerife þegar snyrtifræðingurinn Guðríður Jónsdóttir hélt upp á 35 ára afmælið sitt á eyjunni fögru í byrjun árs.
Unnur Borg Ólafsdóttir
Unnur Borg, tónlistarkona og TikTok-stjarna, er á bullandi lausu. Hún er rísandi stjarna sem vakti meðal annars athygli í sumar fyrir að borða á Subway í tuttugu daga í röð. Lagið hennar Barnsfaðir var lag sumarsins 2026 og nú er plata á leiðinni.
内容来自 Mbl.is - Smartland - Frægð,版权归原作者所有。
阅读原文 ↗













