Dagbjartur Íslandsmeistari annað árið í röð
Kylfingurinn Dagbjartur Sigurbrandsson úr Golfklúbbi Reykjavíkur varði Íslandsmeistaratitil sinn á Íslandsmótinu í golfi á Korpúlfsstaðavelli.
Dagbjartur endaði hringina fjóra á tíu höggum undir pari og varð því Íslandsmeistari í annað sinn á ferlinum.
Fyrir lokahringinn var Dagbjartur í frábærri stöðu með sex högga forystu á Aron Emil Gunnarsson úr Golfklúbbi Selfoss en Aron varð í öðru sæti en hann lék samtals á fimm höggum undir pari.
Dagbjartur fór hring dagsins á pari og það dugði til að tryggja honum Íslandsmeistaratitilinn.
Þetta er í fyrsta sinn frá árinu 1992 sem Íslandsmeistararnir í karla- og kvennaflokki ná að verja titilinn.
Kristján Karl Guðjónsson úr Golfklúbbi Mosfellsbæjar varð í þriðja sæti á þremur höggum undir pari, en hann lék á fjórum undir pari í dag eftir að hafa verið á einu yfir pari fyrir hring dagsins.
内容来自 Mbl.is - Íþróttir - Golf,版权归原作者所有。
阅读原文 ↗/frimg/1/66/95/1669503.jpg)
