Óliver í úrslit eftir sigur á Evrópumeistaranum
Kylfingurinn Óliver Elí Björnsson úr Golfklúbbnum Keili tryggði sér sæti í úrslitum opna breska áhugamannamótsins í piltaflokki á Gailes Links í Skotlandi í dag.
Óliver, sem verður 17 ára gamall í næsta mánuði, gerði sér lítið fyrir og hafði betur gegn Frakkanum Tao Pemerika, sem er nýkrýndur Evrópumeistari unglinga.
Nú hefur Óliver unnið fimm leiki í röð í holukeppninni. Sigurinn í dag var naumur en hann vann Frakkann í bráðabana með fugli.
Í úrslitunum mun Óliver mæta Svíanum Ludwig Libera í 36 holu úrslitaleik.
Óliver verður á morgun fyrsti Íslendingurinn til að keppa til úrslita á mótinu, sem er eitt virtasta og sterkasta ungmennamót í heimi.
内容来自 Mbl.is - Íþróttir - Golf,版权归原作者所有。
阅读原文 ↗