Mikil viðurkenning fyrir ungan Íslending

Óliver Elí Björnsson.

Óliver Elí Björnsson. Ljósmynd/Golfssamband Íslands

Óliver Elí Björnsson hefur verið valinn í lið Evrópu á Jacques Léglise Trophy, einu stærsta liðamóti heims fyrir kylfinga 18 ára og yngri. 

Óliver var valinn í liðið í kjölfar sigurs hans á Opna breska áhugamannamóti pilta um síðustu helgi.

Jacques Léglise Trophy fer fram dagana 21.-22. ágúst á The Island Golf Club á Írlandi. Þar leika níu af bestu kylfingum 18 ára og yngri frá Bretlandi og Írlandi við úrvalslið meginlands Evrópu.

Mótið er árlegt og hefur lengi verið einn af stærstu viðburðum ársins í unglingagolfi í Evrópu. Fjölmargir kylfingar sem síðar hafa komist í fremstu röð atvinnumanna hafa tekið þátt í mótinu, þar á meðal Sergio García og Luke Donald.

Óliver verður annar íslenski kylfingurinn til að leika á mótinu, en Gísli Sveinbergsson gerði það fyrstur árið 2015.

内容来自 Mbl.is - Íþróttir - Golf,版权归原作者所有。

阅读原文 ↗

把喜欢的内容,留在你的新标签页。

打开我的订阅