Parquet mellt: Abroch a Gebailechkeete vun der Police judiciaire um Findel

Wéi de Parquet mellt, koum et an de Gebailechkeete vun Police judiciaire, an der Cité policière um Findel, zu engem Abroch an der Nuecht vun e Méindeg op en Dënschdeg.

Verëffentlecht: 19.11.26 10:39, Update: 19.11.26 10:55

D'Cité policière um Findel.

Rieds geet vun enger Persoun, déi sech Accès verschaaft hätt. De Parquet huet eng Enquête lancéiert. Déi genee Ëmstänn, d'Identitéit vum presuméierte Brigang an d'Konsequenze vum Abroch si Géigestand vun dëser.

Ob Saachen oder Dokumenter geklaut goufen, geet aus dem Schreiwes net ervir.

Wéi Reporter.lu mellt, soll de Brigang eng Schosswaff matgoe gelooss hunn, grad wéi Munitioun fir dës. Hien hätt eng Fënster ageschloën a wier zimlech einfach an d'Gebailechkeeten erakomm, well keng Alarmanlag installéiert war. Et géif och no engem 31 Joer ale Mann gesicht ginn. Och dat gëtt awer am Communiqué vum Parquet net confirméiert.

内容来自 RTL,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab