Á von á sínu fimmta barni 41 árs
Bandaríska söngkonan Ciara á von á sínu fimmta barni með eiginmanni sínum, Russell Wilson. Hjónin greindu frá því í september að von væri á viðbót í fjölskylduna. Í samtali við fjölmiðla vestanhafs segist söngkonan hlakka mikið til að verða móðir á ný.
„Ég er mjög róleg. Ég hef mikla orku þessa dagana,“ segir Ciara, sem er 41 árs. Hún kveðst hafa það að leiðarljósi að halda áfram að dansa eins lengi og hún getur.
Ciara og Wilson gengu í hjónaband árið 2016. Saman eiga þau Siennu Princess, níu ára, Win Harrison, sex ára, og Amoru Princess, tveggja ára. Þá á Ciara tólf ára soninn Future Zahir með rapparanum Future, fyrrverandi unnusta sínum.
Grínast með að börnin þurfi að taka til hendinni
Söngkonan segir á léttum nótum að eldri börnin þurfi að taka að sér ýmis verk þegar fjölgar á heimilinu. „Amora, verðurðu tilbúin að elda?“ segist hún hafa spurt yngstu dóttur sína.
Hjónin eru enn að leggja lokahönd á jólaáformin en langar að fara með börnin á skauta við Rockefeller Center í New York. Sjálf sér Ciara fyrir sér að fylgjast með frá hliðarlínunni. „Ég ætla að horfa á þau skauta í kringum óléttubumbuna mína,“ segir hún.
内容来自 Mbl.is - Fólkið - Fólk,版权归原作者所有。
阅读原文 ↗/frimg/1/69/31/1693188.jpg)
