Amad brjálaður eftir gagnrýni: „Haltu bara kjafti“

Amad Diallo, leikmaður Manchester United, svaraði gagnrýni stuðningsmanns félagsins fullum hálsi eftir að hafa klúðrað dauðafæri í landsleik Fílabeinsstrandarinnar gegn Gambíu.

Leiknum lauk með 2-2 jafntefli en Amad átti stoðsendinguna að jöfnunarmarki Fílabeinsstrandarinnar undir lok leiks.

Hann hefði hins vegar getað skorað sjálfur þegar hann fékk boltann á markteig eftir frábæra fyrirgjöf Yan Diomande, en skaut í þverslána.

Stuðningsmaður United, sem heldur úti vinsælli síðu á samfélagsmiðlum, gagnrýndi Amad harðlega fyrir klúðrið og benti á að hann hefði ekki skorað fyrir United í tæpt ár.

Amad var ekki skemmt yfir gagnrýninni og svaraði undir myndbandinu á Instagram.

„Haltu bara kjafti, bróðir. Þú ert farinn að tala allt of mikið. Farðu sjálfur að spila í mínu stað ef þetta fer svona mikið í taugarnar á þér.“

Amad hefur átt erfitt með að finna netmöskvana að undanförnu en vonast til að það breytist undir stjórn Mauricio Pochettino, nýs knattspyrnustjóra United.

内容来自 DV.is,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab