„Farið og kaupið Guðjohnsen“

Andri Lucas Guðjohnsen hefur verið sjóðheitur að undanförnu.

Breski hlaðvarpsstjórnandinn Tom Garratt vill að West Bromwich Albion festi kaup á íslenska landsliðsframherjanum Andra Lucasi Guðjohnsen, sem hefur skorað tíu mörk fyrir Blackburn Rovers í ensku B-deildinni í knattspyrnu á tímabilinu.

Garratt fjallar um neðri deildir enska boltans í hlaðvarpinu The Pyramid Podcast. Hann hefur ítrekað hrósað Andra, sem er næstmarkahæstur í B-deildinni.

„Ég er að biðla til West Brom. Finnið peningana einhvers staðar. Þeir eru til einhvers staðar. Farið og kaupið Guðjohnsen,“ sagði Garratt í hlaðvarpinu og bætti við að Andri væri næstbesti framherji deildarinnar.

Blackburn situr í 13. sæti deildarinnar en Andri hefur alls gert ellefu mörk í fimmtán leikjum í öllum keppnum á tímabilinu.

内容来自 mbl.is - Íþróttafréttir,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab