Vill Fans virun der Rockhal: Tokio Hotel zu Lëtzebuerg
Tokio Hotel zu Lëtzebuerg - Vill Fans virun der Rockhal
Bei hirer Arena-Tour duerch Europa mécht déi däitsch Band och e Stopp am Grand-Duché
Et ass net déi éischte Kéier, datt Tokio Hotel zu Lëtzebuerg sinn. Schonn 2008, 2010, 2012 an 2017 waren déi véier Museker am Grand-Duché. Besonnesch an Erënnerung bliwwen ass de Concert vum 5. November 2010. Deemools haten eng Partie Fans esouguer e puer Deeg virun der Rockhal campéiert, fir sech eng Plaz an der éischter Rei ze sécheren.
Tokio-Hotel-Fans an hir Erwaardungen / Loïc Juchem
Och haut ass d'Begeeschterung fir déi däitsch Band grouss. De Mëttwoch de Moien um 6 Auer moies stounge scho puer Fans virun der Dier. Däitlech manner awer, wéi nach 2017. Verschidde Fans haten iwwer e speziellen Ticket esouguer d'Méiglechkeet, de Bill, den Tom, de Georg an de Gustav bei engem Meet & Greet perséinlech ze treffen.

Loic Juchem

Loic Juchem

Loic Juchem

Loic Juchem

Loic Juchem

Loic Juchem

Loic Juchem

Loic Juchem
The photos published on this site are subject to copyright and may not be copied, modified, or sold without the prior permission of the owner of the site in question.
Tokio Hotel sinn aktuell op enger europäescher Arena-Tour. Am Ganze sti 17 Concerten an zéng europäesche Länner um Programm. Lëtzebuerg ass eng vun de Statiounen.
"Heidi is in the house!"
Eng prominent Begleedung huet d'Band och mat dobäi: d'Heidi Klum. De Superstar ass zanter e puer Deeg mat hirem Mann Tom Kaulitz an der Band ënnerwee a léisst hir Follower op de soziale Medien dorunner deelhuelen. Och e Mëttwoch huet si op Instagram puer Andréck gedeelt: mam Privatjet goung et vu München op Lëtzebuerg an duerno an de Backstage-Beräich vun der Rockhal.
Fir Tokio Hotel ass et domat e Retour op eng Bün, op där si schonn e puer Mol fir Begeeschterung gesuergt hunn. An och bal zwee Joerzéngten no hirem groussen internationalen Duerchbroch zitt d'Band nach ëmmer Dausende Fans un.
内容来自 RTL,版权归原作者所有。
阅读原文 ↗