Brúðkaupsferð Zidane sögð á enda – Leikmenn fá harða gagnrýni

Franskir fjölmiðlar hafa gagnrýnt nokkra leikmenn franska landsliðsins harðlega eftir misjafna frammistöðu í síðustu tveimur leikjum liðsins undir stjórn Zinedine Zidane.

Frakkland tapaði 3-1 gegn Ítalíu á San Siro áður en liðið hafði betur gegn Tyrklandi, 2-1, í Þjóðadeildinni.

RMC Sport beindi sérstaklega spjótum sínum að Malo Gusto, varnarmanni Chelsea, sem átti erfiðan leik gegn Ítölum.

Blaðamaðurinn Alexandre Jaquin sagði Gusto líklega hafa valdið mestum vonbrigðum í þessum landsleikjaglugga og lýsti frammistöðu hans á San Siro sem martröð.

Bradley Barcola, kantmaður Liverpool, fékk einnig gagnrýni fyrir að nýta færin illa og skorta nákvæmni í sóknarleiknum. Þá þótti Adrien Truffert, leikmaður Bournemouth, ekki standa undir væntingum.

Gagnrýnin beinist einnig að Zidane sjálfum.

„Zidane rakst á vegg raunveruleikans í þessum landsleikjaglugga,“ sagði Walid Acherchour, sérfræðingur hjá RMC.

„Brúðkaupsferðin er á enda,“ bætti hann við.

内容来自 DV.is,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab